जेष्ठ ३१, २०८२ – बेलका। मोटरसाइकल दुर्घटना परी मृत्यु भएका नबिन राईको अन्त्यष्टि गरिएको छ। पोष्टमार्टम पछि किराति सँस्कार अनुसार आज राई को अन्त्यष्टि गरिएको हो।
मदन भण्डारी लोकमार्ग अन्तर्गत उदयपुरको बेलका नगरपालिका-९ रामपुरमा प्रदेश नं. १–०५–००१ प १९१३ नम्बरको मोटरसाइकल दुर्घटना हुँदा बेलका ६ बुद्ध चोक निवासी नबिन राई को मृत्यु भएको हो।
शनिबार बिहान बेलका ९ रामपुर पेट्रोल पम्प नजिक सडक छेउमा राईको शव देखेपछि स्थानीयले प्रहरीलाई खबर गरेका थिए। शनिबार बिहान मात्रै शव भेटे पनि शुक्रवार राती करिब ११ – १२ बजेतिरै घटना घटेको अनुमान गरिएको छ। राई का परिवारको अनुसार शुक्रवार राती करिब ११ बजे पछि घरबाट निस्केका थिए। मोटरसाइकल अनियन्त्रित भइ दुर्घटना भएको प्रहरीले अनुमान गरेको छ।
नबिन राई विभिन्न सामाजिक, राजनीतिक तथा खेल क्षेत्रमामा आबद्ध र अन्यायको विरुद्धमा बोल्ने बेलकाको एक कुशल थिए। उनलाई सामाजिक संजाल लगायत विभिन्न माध्यमबाट धेरैले श्रद्धाञ्जली अर्पण गरिरहेका छन।
