बेलका। भाइरस डान्स क्याम्प उदयपुर द्वारा आयोजित कोशी डान्स च्याम्प २०८१ सभ्य र भब्य रुपमा सम्पन्न भएको छ। उदयपुरको मोतिगडा गाईघाट स्थित इम्पायर इन होटलमा सनिवार उक्त कार्यक्रम सम्पन्न भएको हो।
कोशी प्रदेशको विभिन्न जिल्लाबाट प्रतिनिधित्व गर्दै टप १२ जनाले आ आफ्नो उत्कृष्ट नृत्य प्रस्तुत गर्दै सनिवार अन्तिम प्रतिस्पर्धा गरेका थिए। जसमध्ये प्रथम इच्छुक कार्की, दोस्रो सुरज लुवागुन, तेस्रो जेसु श्रेष्ठ र सान्त्वना(चौथो) नेहा राई घोषित भएका थिए। प्रथम बिजेतालाई रु.१,११,१११, दोस्रो बिजेतालाई रु.५५,५५५, तेस्रो बिजेतालाई रु.३३,३३३, चौथो बिजेतालाई रु.९,९९९ सहित ट्रफी र प्रमाणपत्र द्वारा अतिथि तथा आयोजकले पुरस्कृत गरेका थिए।
कार्यक्रमका संयोजक कल्याण कार्कीको अध्यक्षतामा सम्पन्न भएको कार्यक्रममा प्रमुख अतिथि त्रियुगा नगरपालिकाका पुर्व नगर प्रमुख बलदेब चौधरी रहेका थिए। कार्यक्रमको सहजीकरण प्रेमजङ्ग किराति र गणेश राई ले गरेका थिए।
