भदौ २४, बेलका । नेपाल रेडक्रस सोसाईटी बेलका नगरपालिका उपशाखा क को अधिवेशन सम्पन्न भएको छ। बेलका नगरपालिकाका नगर उप-प्रमुख जिरा राई को प्रमुख आतिथ्यतामा सम्पन्न अधिवेशन तदर्थ समितिका अध्यक्ष अम्बिका निरौलाको अध्यक्षतामा भएको थियो ।
कार्यक्रममा बिशेष अतिथिको रुपमा त्रियुगा नगरका उप-प्रमुख महेश्वरी राई, नेरेसो उदयपुरका सभापति मदन राज कटवाल, बेलका नगरका पुर्ब नगर प्रमुख दुर्गा कुमार थापा लगायत बिभिन्न राजनितिक दलका प्रमुख तथा प्रतिनिधि साथै पत्रकारहरुको उपस्थिति रहेको थियो।कार्यक्रम का प्रमुख अतिथि लगायतका वक्ताहरुले नेपाल रेडक्रस सोसाईटीको महत्व संगै भुमिका बारे चर्चा गरेका थिए भने यस संस्थाको उदयपुर भित्र रहेको बिबाद सम्मानित अदालत द्वारा टुंगिएको हुनाले अब आपसी सहकार्य गरेर अगाडी जानु पर्नेमा जोड दिएका थिए।
आजको अधिबेशनले पुनः अम्बिका निरौलाको सभापतित्वमा ११ सदस्य कार्यसमिति सर्व सहमति द्वारा चयन गरेकोछ। कार्यक्रमको स्वागत मन्तब्य सुरेन्द्र खालिङ राई ले राखेका थिए भने सन्चालन नाराण सापकोटाले गरेका थिए।
