अजम्बर पुलामी –
१३ दोहा, कतार / श्रम संस्कृति महा-अभियान तदर्थ समिति कतारको प्रथम अधिवेशन सम्पन्न भएको छ। प्रकृती, संस्कृती, प्रविधिको सन्तुलन, परिस्कृत समाजको लागी श्रमअभियान भन्ने मुल नाराको साथमा २४ अप्रिल २०२६ का दिन दोहास्थित वेलफेयर रेस्टुरेन्टको सभाहलमा सम्पन्न भएको थियो। अधिवेशनको बन्दसत्रबाट बेलका निवासी शुक्र कुमार राई (सुबास) सर्वसम्मत अध्यक्षमा चयन भएका छन।
कार्यक्रममा गैरआवासीय नेपाली संघ (NRNA) कतारका अध्यक्ष कृष्ण पन्थी प्रमुख अतिथि रहेका थिए। नवगठित समितिको वरिष्ठ उपाध्यक्षमा भाईकाजी गुरुङ, प्रथम उपाध्यक्षमा भिमकुमार एक्चाई मगर, द्वितीय उपाध्यक्षमा नवीन थापा, तृतीय उपाध्यक्षमा विश्वकला राई, महासचिवमा एकराज राई, उपमहासचिवमा दुर्गा बहादुर गुरुङ चयन भएका छन्। साथै सचिव, कोषाध्यक्ष लगायत अन्य पदमा पनि सर्वसम्मत नेतृत्व चयन गरिएको छ।
कार्यक्रम औपचारिक रुपमा राष्ट्रिय गान, दीप प्रज्वलन र शहिदप्रति श्रद्धाञ्जलीका साथ सुरु भएको थियो। खुल्ला सत्रमा विभिन्न संघ-संस्थाका प्रतिनिधिहरूले शुभकामना मन्तव्य राख्दै श्रमजीवी वर्गको हकहितमा काम गर्नुपर्ने धारणा व्यक्त गरेका थिए।
कार्यक्रममा सांगीतिक प्रस्तुति समेत प्रस्तुत गरिएको थियो भने करिब १०० जनाले सदस्यता लिएका छन्। प्रमुख अतिथि पन्थीले संस्थासँग सहकार्य गर्न एनआरएनए कतार सधैं तयार रहेको बताएका थिए।
अन्त्यमा नयाँ कार्यसमितिलाई पद तथा गोपनीयताको शपथ ग्रहण गराउँदै अधिवेशन सम्पन्न गरिएको थियो।
