माघ २८ बेलका । बेलका नगरपालिका–६, लेकाली रंगशालामा “बेलका नगर स्तरीय नकआउट पाँचौं मेयर कप फुटबल प्रतियोगिता-२०८२” हुने भएको छ। आज बेलका नगर युवा तथा खेलकुद बिकास समितीको पेज बाट फागुन १ गते देखि ९ गते सम्म उक्त प्रतियोगिता हुने खेल तालिका सार्वजनिक गरिएको हो ।
“सबल आर्थिक,सामाजिक र भौतिक पुर्वाधार, बेलका नगर बिकासको प्रमुख आधार” भन्ने मुख्य नारा सहित बेलका नगरपालिका युवा तथा खेलकुद बिकास समितीको आयोजनामा हुन गैईरहेको प्रतियोगितामा नगरका विभिन्न वडा गरी ८ वटा टिमहरुको सहभागिता हुने भएको छ। खेल तालिका अनुसार उदघाटन खेल फागुन १ गते वडा नं ६ र वडा नं ९ बिच हुने भएको छ। त्यसै गरी फागुन २ गते वडा नं १ र वडा नं ३, फागुन ३ गते वडा नं ५ र वडा नं ८ भने फागुन ४ गते वडा नं ४ र वडा नं २ बिच हुने खेल तालिका सार्वजनिक गरिएको छ।
सेमिफाइनल खेलहरु फागुन ५ गते दिउँसो ३ बजे देखी हुने छ भने फाइनल खेल फागुन ९ गते शनिबार दिउँसो २:३० बजे सुरु हुने छ।
यस प्रतियोगिताले नगरस्तरमा खेलकुद विकास र युवाहरूमा खेलप्रतिको उत्साह अभिवृद्धि गर्ने अपेक्षा गरिएको छ।
