१५ जेठ, बेलका । बेलका नगर शिक्षा शाखा र नगर युवा तथा खेलकुद विकास समितिको आयोजित प्रथम बेलका स्तरीय अन्तर माध्यमिक बिद्यालय फुटबल प्रतियोगिता -२०८२ हिजो बाट सुरु भएता पनि विविध कारण बस आज औपचारिक रूपमा उद्घाटन गरिएको छ ।
बिहिवार बेलका नगरपालिका नगर प्रमुख अशोक कार्कीले प्रतियोगिताको समुउद्घाटन र शुभकामना मन्तव्य राख्दै खेलकुदले विद्यार्थीको सर्वाङ्गिण विकासमा सहयोग गर्ने,शारीरिक तन्दुरुस्त हुने टेवा पुग्ने हुनाले यो प्रतियोगितालाई निरन्तरता दिनुपर्ने बताए ।
आजको पहिलो खेल बरपिपल मा. वि. र जनता मा. वि. जहडा स्कुल बीच भएको थियो । उक्त खेलमा ३-० को फराकिलो अन्तर सहित जनता मा.वि.जहडाले जित हासिल गरेको छ।
यस्तै, दोस्रो खेल जनता मा.बि. गुरुङ्गचौरी र जनता मा.वि. लामिडाडाँ स्कुल बीच खेल सप्पन्न भएको थियो । उक्त खेल जनता मा.वि. गुरुङ्गचौरी स्कुलले १-० गोलसहित जित हासिल गर्न सफल भयो ।
भोली १६ गते नमुना मा.बि. गुरुङचौरी र महाकाली मा.बि. चम्पापुर बिच दिनको ३ः१५ बजे देखी खेल हुनेछ भने दोस्रो खेल कोशी मा.बि. रामपुर र जनता मा.बि. जहडा बिच दिनको ४:४५ बजे देखी हुनेछ।
