१४ जेठ, बेलका । बेलका नगर शिक्षा शाखा र नगर युवा तथा खेलकुद बिकास समितिको आयोजनामा ”प्रथम बेलका नगर स्तरीय अन्तर मा. बि. फुटबल प्रतियोगिता २०८२” आज बाट सुरुभएको छ।
बेलका नगरपालिकाको वडा नं ६ मा अवस्थित लेकाली खेल मैदानमा आज दुई खेल भएकोछ। जस मध्ये पहिलो कोशी मा.बि. रामपुर र जनता मा.बि. पुरन्दह बिच भएको खेलमा निर्धारीत समय भित्र १-१ गोलको बराबरी भए पछी पेनाल्टी सुटआउट द्वारा कोशी मा.बि. रामपुर ५-३ गोलले बिजय भएको छ भने आजै भएको महाकाली मा.बि. चम्पापुर र प्रभाकरी मा.बि. पोखरे बिच भएको दोस्रो खेलमा महाकाली मा.बि. चम्पापुर १-० गोल अन्तरले बिजय भएको छ ।
जम्मा ९ वटा बिधालयहरुको सहभागिता रहेको खेलमा प्रथम पुरस्कार नगद रु. २५,००० सहित शिल्ड,मेडल र प्रमाणपत्र , दोस्रो पुरस्कार नगद रु. १५,००० सहित शिल्ड,मेडल र प्रमाणपत्र, बिधागत उत्कृष्ट गोल किपर,डिफेन्डर,मिड फिल्डर र हाई स्कोरर लाई ट्रफी, सहभागी बिधालय हरुलाई कदरपत्र,खेल शिक्षक हरुलाई मायाको चिनो र अनुशासित बिधालय लाई सम्मानपत्र प्रदान गरिने नगर युवा तथा बिकास समितिका अध्यक्ष गोपिलाल राईले बताउनु भयो ।
भोली १५ गतेको पहिलो खेल बरपिपल मा.बि. कमलाबारी र जनता मा.बि. जहडा बिच दिनको ३ः१५ बजे देखी हुनेछ भने दोस्रो खेल नमुना मा.बि. गुरुङचौरी र जनता मा.बि. लामीडाडा बिच दिनको ४:४५ बजे देखी हुनेछ ।
