१२ जेठ २०८१ । सुनाखरी युवा क्लबको आयोजनामा यहीं जेठ १६ देखी २३ गते सम्म ” प्रथम आमन्त्रित बेलका च्यालेन्ज कप २०८१” को आयोजना हुने भएको छ । आज प्रमुख अतिथि बेलका नगरपालिका का मेयर अशोक कार्की साथै क्लबका अध्यक्ष चित्र कार्कीको अध्यक्षतामा पत्रकार सम्मेलन गरी उक्त च्यालेन्ज कप बारे आयोजक सुनाखरी युवा क्लबले जानकारी गराएको छ।
“खेल खेलौ स्वास्थ्यका लागी, खेलाडी राष्ट्रका लागी” भन्ने मुख्य नारा का साथ आयोजना हुन गै रहेको आमन्त्रित बेलका च्यालेन्ज कपको बिजेता र उपबिजेता टिमले क्रमशः नगद रु ४०,००० र २५,००० सहित शिल्ड,मेडल र प्रमाणपत्र। प्रत्येक खेलको म्यान अफ द म्याच घोषित खेलाडी ले नगद रु. ५०० र बिधागत उत्कृष्ट खेलाडी लाई नगद रु. १००० सहित ट्रफी प्रदान गरिने आयोजकले बताएका छन ।यस आमन्त्रित च्यालेन्ज कपमा बराहक्षेत्र फुटबल क्लब सुनसरी, बेल्टार युनाईटेड क्लब चौदण्डी, अजम्वरी युवा क्लब बेलका, रियल डुम्रिबोटे फुटबल क्लब बेलका, ब्रदरहुड फुटबल क्लब बेलका, बुद्द एकता क्लब बेलका, सुनाखरी युवा क्लब बेलका र फ्युजन क्लब गाईघाट गरी जम्मा ८ वटा टिमको सहभागिता रहनेछ ।
प्रथम आमन्त्रित बेलका च्यालेन्ज कप २०८१ को मुख्य सहयोगी धिरेन्द्र कुमार दाहाल रौतामाई कन्ट्रक्सन प्रा.लि. गाईघाट । बिशेष सहयोगी बेलका नगरपालिका र संरक्षक बेलका नगरपालिकाको वडा नं ४ रहेको छ। मिडिया पार्टनरमा रेडियो बेलका एफ.एम. १००.९ मेगाहर्ज,बेलका पोस्ट, बेलका मिडिया प्राली र रामपुर परेली रहेकोछ ।
यस कार्यक्रमको सन्चालन बेलका नगर युवा तथा खेलकुद बिकास समितीका सचिब दिपेन राना मगरले गरेका थिए ।l
