३ फागुन २०८० – बेलका। बेलका नगरपालिका ९ भचुवा फुटबल क्लबको आयोजनामा दोस्रो भचुवा मिनि गोल्ड कप २०८० को खेल आजबाट सुरु भएको छ। बेलका नगरपालिका वडा नं. ९ का वडा अध्यक्ष पदम खड्काले आज एक औपचारिक कार्यक्रम बिच सो कार्यक्रमको उद्घाटन गरेका हुन।
जम्मा १० वटा टिम सहभागी हुने उक्त प्रतियोगितामा आजको उद्घाटन खेल भचुवा फुटबल क्लब(आयोजक) र बेलका ४ सुनाखरी युवा क्लब बिच भएको थियो। जसमा समयावधि भित्र ३ – ३ गोल भए पछि टाइब्रेकर द्वारा सुनाखरीले जित हासिल गर्दै सेमिफाइनलको यात्रा तय गरेको छ। आजको म्यान अफ द म्याच सुनाखरी युवा क्लबका प्रबिन खड्का घोषित भएका छन
सिसम राई को सभा अध्यक्षतामा सम्पन्न भएको औपचारिक उद्घाटन कार्यक्रममा बिशेष अतिथि नेकपा एमाले बेलका नगर कमिटी अध्यक्ष गणेश बस्नेत, बेलका ९ का वडा सदस्य द्वय सन्तोष थापा, सुवास बस्नेत अतिथिहरु नेकपा माओवादी केन्द्र बेलका नगर कमिटीका सचिब भरत घिमिरे, रामपुर फ्रेश मिट सपका प्रो. देब राज राई, तिर्थ गहतराज लगायत विभिन्न पार्टी प्रतिनिधि, संघ सस्थाका प्रतिनिधि, टोल बिकास सस्थाका अध्यक्ष, बुद्धिजीवी, पत्रकार, खेलाडी र खेलप्रेमीहरुको उपस्थित रहेको थियो।
फागुन ३ गते देखि १० गतेसम्म हुने दोस्रो भचुवा मिनि गोल्ड कप २०८० को प्रथम र दोस्रो हुने बिजेता टिमले प्राप्त गर्ने छन नगद रु.२० हजार र १० हजार साथमा ट्र्फि, मेडल र प्रमाणपत्र।
भोलि फागुन ४ गते पारुहाङ फुटबल क्लब र ब्रोदरहुड फुटबल क्लब बिच दिउँसो २ बजे देखि खेल हुने छ र दोस्रो खेल यलम्बर फुटबल क्लब र बुद्ध एकता क्लब बिच बेलुकी ४ बजेबाट खेल हुने छ।
