भदौ १५, बेलका । शिक्षा सँगै खेलकुदलाई समेत समान महत्व दिने उद्देश्यका साथ, विद्यालयले आजदेखि कोशी प्रदेश भलिबल प्रशिक्षक तथा रेफ्री श्री दिनेश राईलाई औपचारिक रूपमा प्रशिक्षकमा अनुबन्ध गरेको हो।
प्रधानाध्यापकको कार्य कक्ष भित्र भएको कार्यक्रममा बेलका नगर युवा तथा खेलकुद विकास समितिका अध्यक्ष गोपीलालसहितको उपस्थितिमा, विद्यालयका प्रधानाध्यापक समर राईले प्रशिक्षक दिनेश राईलाई नियुक्तिपत्र हस्तान्तरण गर्नुभएको हो।
प्रधानाध्यापक राईले, यस अनुबन्ध पछि विद्यार्थी तथा युवा खेलाडीहरूले व्यवस्थित तालिम, प्राविधिक ज्ञान र खेलकुदमैत्री वातावरण पाउने विश्वास ब्यक्त गर्नुभएको छ। प्रशिक्षक दिनेश राई प्रदेशस्तरमा मात्र नभई राष्ट्रिय स्तरसम्म भलिबल खेलमा योगदान दिँदै आएका व्यक्तित्व हुन्।
बिधालयको यो कदमले प्रशिक्षक राईबाट बिधार्थिहरुले प्रेरणा र व्यावसायिक मार्गदर्शन पाउने अपेक्षा सँगै शिक्षा र खेलकुदलाई समेत सँगै अघि बढाउन सकिए अनुशासित, स्वस्थ र प्रतिस्पर्धी पुस्ता निर्माण हुने,कक्षाकोठा र खेलमैदान दुबै क्षेत्रमा सकारात्मक प्रभाव पार्ने विश्वास गरिएको छ।
