२१ जेठ, बेलका । प्रथम आमन्त्रित बेलका च्यालेन्ज कप को फाईनलमा बुद्द एकता क्लब प्रबेश गरेको छ। आज भएको खेलमा अजम्बरी फुटबल क्लबलाई ४-३ को गोल अन्तरले हराउदै फाईनल प्रबेश गरेको हो।
खेलको निर्धारित समय भित्र २-२ गोलको बराबरी भए पछी खेल पेनाल्टी सुट आउटमा पुगेको थियो।अजम्बरी फुटबल क्लबको तर्फ बाट जर्सी नं ११ का मुकेश फुयलले १ गोल र जर्सी नं २० का दावा तामाङले १ गोल गरी २ गोलको अग्रता कायम राखेको थियो। खेलको थप ५ मिनेटको अतिरिक्त समयमा २-० को अग्रता लाई उल्टाउदै जर्सी नं ११ का अभिस मगरले २ गोल गरेर आफ्नो टिम लाई खेलमा फर्काएका थिए भने पेनाल्टी सुटमा थप १ गोल गर्दै पहिलो ह्याट्रिक गरेका छन। खेलको म्यान अफ द म्याच अजम्बरी फुटबल क्लबका सन्देश तामाङले प्राप्त गरेका छन ।
पेनाल्टी सुट आउटमा अजम्बरी फुटबल क्लबको २ वटा प्रहार बाहिरिए संगै बुद्द एकता क्लबले फाईनल यात्रा पक्का गरेको हो ।क्वाटर फाईनलमा अजम्बरी फुटबल क्लबले रियल डुम्रीबोटे फुटबल क्लबलाई ४-१ गोल र बुद्द एकता क्लबले यलम्बर फुटबल क्लब लाई ३-० गोल अन्तरले हराउदै सेमीफाईनल प्रबेश गरेका हुन। यस खेल २०८१ जेठ १६ गते देखी सुरु भै सेमीफाईनल चरण समेत सम्पन्न भएको छ। फाईनल खेल बेल्टार युनाईटेड क्लब चौदण्डी र बुद्द एकता क्लब बेलका बिच २३ गते दिनको ३ बजे देखी हुनेछ ।
यस खेलको आयोजना सुनाखरी युवा क्लबले गरेको छ भने मुख्य सहयोगी धिरेन्द्र कुमार दाहाल रौतामाई कन्ट्रक्सन प्रालि, बिशेष सहयोगी बेलका नगरपालिका र बेलका नगर युवा तथा खेलकुद बिकास समितीको समन्वयमा भै रहेको छ।
प्रत्येक खेलको प्रत्यक्ष प्रसारण (LIVE) बेलका एफ एम को फेसबुक पेज बाट गर्दै आईरहेको छ।
