बेलका, २९ जेष्ठ।
बेलका नगरपालिका ४ लालबजारमा जारी प्रथम लालबजार च्यालेन्ज कप नकआउट फुटबल प्रतियोगिता २०८० अन्तर्गत सुनाखरी युवा क्लब बेलका ४ (आयोजक) को लगातार जित भएको छ।
हिजो भएको उद्घाटन खेलमा सुनाखरी युवा क्लब (आयोजक) बि ले जित सुरु गरेको हो भने आज भएको बेलका १ ह्यापी फुटबल क्लब र सुनाखरी युवा क्लब बीचको खेलमा ३ – १ गोल अन्तरले सुनाखरी युवा क्लब लालबजार (आयोजक) ले जित हासिल गर्दै सेमिफाइनलमा प्रवेश गरेको छ।
सुनाखरी युवा क्लब बेलका ४ लालबजार को आयोजना तथा राईडर्स रेन्ज, धरानको सह-प्रायोजकमा आयोजित प्रथम लालबजार च्यालेन्ज कप नकआउट फुटबल प्रतियोगिता २०८० को तेस्रो दिन अर्थात भोलि जेष्ठ ३० गते बुद्ध एकता क्लब र यलम्बर एकता सेवा समाज बीच बेलुकी ४ बजेबाट खेल हुने छ।
