१० फागुन २०८० – बेलका। दोस्रो भचुवा मिनि गोल्ड कप २०८० को उपाधी बराहक्षेत्र १ सुनसरीले हात पारेको छ। आज भएको फाइनल खेलमा ० को विरुद्ध ३ गोल अन्तरले बेलका ४ सुनाखरी युवा क्लबलाई हराउदै उपाधी हात पारेको हो।
प्रथम र दोस्रो हुने टिमहरुले क्रमश नगद रु. २० हजार, १० हजार साथमा ट्रफी, मेडल र प्रमाणपत्र हात पारेका छन।
भचुवा फुटबल क्लबको आयोजना तथा रामपुर परेलिको सह-आयोजना र रामपुर फ्रेश मिट सपको मुख्य सहयोगमा फागुन ३ गते सुरु भएको उक्त खेलको फाइनल बेलका ९ भचुवा फुटबल खेल मैदानमा आज सम्पन्न भएको हो।
बेलका नगरपालिका वडा नं. ९ का वडा अध्यक्ष तथा बेलका सरकारको प्रवक्ता पदम खड्काको प्रमुख आतिथ्यतामा सम्पन्न भएको खेलकुद कार्यक्रममा बेलका नगर युवा तथा खेलकुद बिकास समितिका सचिब दिपेन मगर, देब राज राई, तिर्थ गहतराज, सरिता राई माझी, टोल बिकास संस्थाका अध्यक्षहरु, सुरक्षा निकाय, खेलाडी तथा खेल प्रेमी व्यक्तित्वहरुको उपस्थिति रहेको थियो।
