८ असोज – बेलका। प्रथम श्रीलंका टापु च्यालेन्ज कपको उपाधि राजाबास युथ क्लब बराहक्षेत्र सुन्सरीले हात पारेको छ। श्रीलंका टापु खेल मैदानमा आज भएको फाइनल खेलमा बसाहा फुटबल क्लब चौदण्डिगढी उदयपुरलाई ० – १ गोल अन्तरले हराउदै राजाबास फुटबल क्लब बराहक्षेत्र सुनसरीले उपाधि हात पारेको हो।
दोस्रो हाल्फको १४औं मिनेटमा म्यान अफ द म्याच आयुष तामाङले गरेको गोलले विपक्षी बसाहा फुटबल क्लब उदयपुरलाई उपविजेतामा सीमित गरेको हो। खेलमा गोल गर्न राम्रो मौका गुमाएको बसाहा उपविजेता बन्यो। प्रतियोगिताको विजेता र उपविजेता टिमलाई क्रमश नगद रु. ३० हजार र रु. १५ हजार सहित प्रमाणपत्र, ट्रफी र मेडलले अतिथिहरु द्वारा सम्मान गरिएको थियो।
चिलैया फुटबल क्लबको आयोजनामा आज भएको फाइनल खेलमा प्रमुख अतिथि कपिल आचार्य, बिशेष अतिथि राकेश किराती, सुरेन्द्र बस्नेत, भरत घिमिरे, नवराज बिष्ट, संगम बिष्ट, जय सुब्बा, सुमन सागर खतिवडा लगायत सुरक्षा निकाय खेलाडी तथा खेल प्रेमीहरुको उपस्थिति रहेको थियो।
