२५ फागुन २०८० – बेलका। बुद्ध एकता क्लबको आयोजनामा बुद्ध चोक खेल मैदानमा भइरहेको प्रथम बुद्ध मिनि गोल्ड कप २०८० मा बेल्टार एकता युवा क्लब चौदण्डिगढी, उदयपुरको बिजय सुरुवात भएको छ। आज भएको खेलमा प्रकासपुर फुटबल क्लब सुन्सरीलाई १ – ४ गोल अन्तरले हराउदै बेल्टार एकता युवा क्लब चौदण्डिगढी उदयपुरले बिजय सुरुवात गरेको हो।
बिजय सुरुवात संगै बेल्टार एकता युवा क्लब अर्को चरण अर्थात सेमिफाइनल प्रवेश गरेको हो। आजको म्यान अफ द म्याच बेल्टार युवा क्लबका रिवेश तामाङले पाएका छन। उनले ह्याटि्रक गोल गरेका थिए। तामाङलाई म्यान अफ द म्याचको पुरस्कार बेलका नगर युवा तथा खेलकुद बिकास समितिका अध्यक्ष गोपिलाल राई र बुद्ध एकता क्लबका सल्लाहकार सुरेन्द्र खालिङ ले प्रदान गरेका थिए।
भोलि फागुन २६ गते बुद्ध एकता क्लब बेलका(आयोजक) र साहारा फुटबल क्लब धरान, सुन्सरी बिच दिउँसो ३ बजेबाट खेल हुनेछ।
