८ मङ्सिर – बेलका। प्रथम मैनारानि गोल्डकप फुटबल प्रतियोगितामा आज भएको तेस्रो क्वाटरफाइनल खेलमा तालतलैया फुटबल क्लब इटहरी, सुनसरीलाई हराउदै गाईघाट फुटबल क्लब, उदयपुर सेमिफाइनल प्रवेश गरेको छ। खेल समयावधि भित्रमा १-१ गोल बराबरी भएपछि ट्राइब्रेकरमा ४-५ गोल अन्तरले जित हासिल गर्दै गाईघाट सेमिफाइनल प्रबेश गरेको हो।
आजको म्यान अफ दि म्याच गाईघाट फुटबल क्लबका गोल रक्षक अनिल मगर घोषित भए। उदयपुर बेलका ८ मेखबारी खेलमैदानमा जारी मैनारानी गोल्डकपको चौथो तथा अन्तिम क्वाटरफाइनल खेल भोलि मङ्सिर ९ गते बसाहा फुटबल क्लब चौदण्डिगढी नगरपालिका, उदयपुर र एभरेस्ट फुटबल क्लब बराहक्षेत्र, सुनसरी बिच दिउँसो ३ बजेबाट खेल हुने आयोजकका संयोजक प्रदेश राई ले बताए।
पन्चकन्या फुटबल क्लब द्वारा मङ्सिर ६ गतेदेखि १३ गतेसम्म संचालित उक्त प्रतियोगिताको बिजेता टिमले नगद रु. १ लाख १ हजार साथमा ट्रफी, मेडल र प्रमाणपत्र हात पार्नेछन भने उप बिजेता टिमले नगद रु.५५ हजार सहित ट्रफी, मेडल र प्रमाणपत्र प्राप्त गर्नेछन। प्रत्येक खेलमा म्यान अफ दि म्याच साथै बिधागत तर्फ पनि पुरस्कार रहेको आयोजकका अध्यक्ष आशिष संगम राई ले बताए।
