२४ फागुन २०८० – बेलका। बुद्ध एकता क्लबको आयोजना र बेलका नगर युवा तथा खेलकुद बिकास समितिको सह आयोजनामा “प्रथम बुद्ध मिनि गोल्ड कप २०८०” को औपचारिक उद्घाटन भएको छ। बेलका नगरपालिका बुद्ध चोक खेल मैदानमा आज भएको औपचारिक कार्यक्रम बेलका नगर उप प्रमुख जिरा राई ले पानसमा दिप बालेर अनि ब्यानरमा लेखिएको सब्दहरु वाचन गरेर उद्घाटन गर्नु भएको हो।
बुद्ध एकता क्लबका अध्यक्ष धन कुमार राई को अध्यक्षतामा उद्घाटन भएको कार्यक्रममा बेलका नगरपालिका वडा नं. ९ का वडा अध्यक्ष तथा बेलका सरकारका प्रवक्ता पदम खड्का, वडा नं. ६ का वडा अध्यक्ष वसन्त मगर, वडा नं. ३ का वडा अध्यक्ष टंक आचार्य, जिल्ला खेलकुद बिकास समितिका अध्यक्ष पर्वत दाहाल, बेलका नगर युवा तथा खेलकुद बिकास समितिका अध्यक्ष गोपिलाल राई, जनता समाजवादी पार्टी नेपालका नेता गणेश राई, बुद्ध एकता एकता क्लबका सल्लाहकार तथा जनता समाजवादी पार्टी नेपाल बेलका नगर समिति अध्यक्ष सुरेन्द्र खालिङ, बेलका नगर युवा तथा खेलकुद बिकास समितिका सचिब दिपेन मगर, इलाका प्रहरी कार्यलय रामपुर ठोक्सिलाका प्रमुख ऋषि राज ढकाल, सशस्त्र प्रहरी बेस क्याम डुड्खोलाका प्रमुख जय कुमार चौधरी, अन्य सुरक्षा निकाय, जनप्रतिनिधिहरु, विभिन्न राजनीतिक दलका नेता तथा प्रतिनिधिहरु, बन समितिका पदाधिकारीहरु, टोल बिकास सस्थाका प्रतिनिधिहरु, खेलाडी तथा खेलप्रेमी, पत्रकार लगायतको उपस्थिति रहेको थियो।
आजको उद्घाटन खेलमा तालतलैया एफ.सि. इटहरी, सुनसरीलाई बराहक्षेत्र सुन्सरीले ० – १ गोल अन्तरले हराउदै अर्को चरण अर्थात सेमिफाइनल प्रवेश गरेको छ। बराहक्षेत्रका दिपेश तामाङले गोल गरेका थिए भने आजको म्यान अफ द म्याच पनि दिपेश तामाङ नै घोषित भए र नगद १ हजार प्राप्त गरे। भोलि फागुन २५ गते प्रकासपुर फुटबल क्लब सुन्सरी र बेल्टार एकता युवा क्लब चौदण्डिगढी उदयपुर बिच दिउँसो ३ बजेबाट खेल हुनेछ।
“हाम्रो प्रत्येक गोल, दुर्व्यसनी विरुद्धको बोल” भन्ने मुल नाराका साथ आयोजित प्रथम बुद्ध मिनि गोल्ड कप २०८० को मुख्य प्रायोजक डिबि राई मामी ग्रुप मलेसिया, सह प्रायोजक श्री गौरीसुर्योदय इङलिस बोर्डिङ स्कुल रहेको छ भने संरक्षकमा महेन्द्र रहेको छ।
आजको उद्घाटन कार्यक्रम बुद्ध एकता क्लबका सचिब प्रदिप चौलागाईं र बेलका एफ.एम. का कार्यक्रम संचालिका कबिता राई(मिकि) ले संचालन गरेका थिए भने खेलका संयोजक श्याम मगरले स्वागत मन्तव्य राखेका थिए।
