१३,जेठ बेलका । उदयपुर जिल्लाको बेलका नगरपालिका वडा नं. १ आम्बासीमा एक दिने दन्त रोग जाँच सम्बन्धि निशुल्क स्वास्थ्य शिविर हुने भएको छ ।
सामाजिक संस्था सहयोगी युवाहरुको आयोजनामा शुक्रबार स्वास्थ्य शिविर संचालन हुन लागेको हो ।
शिविरमा बेल्टार डेन्टल क्लिनिक प्रा.लि., बेलका मोडल पोलिक्लिनिक प्रा.लि. र स्वास्थ्य शाखा रामपुरले प्राबिधिक रूपमा सहयोग गर्ने छन् ।
स्वास्थ्य शिविरमा निशुल्क दाँत निकाल्ने, निशुल्क ब्रस,निशुल्क कुला गर्ने झोल र निशुल्क सामन्य औषधि वितरण गरिने छ ।
