२७ चैत – बेलका । उदयपुर जिल्लाको बेलका नगरपालिकाको १५औँ नगरसभा अधिवेशनको उद्घाटन भएको छ। ‘सबल आर्थिक, सामाजिक र भौतिक पूर्वाधार, बेलका नगर विकासको प्रमुख आधार’ भन्ने मुख्य नाराका साथ नगरको सभा हलमा अधिवेसन आज उद्घाटन भएको हो ।
नगर सभा अधिवेशनको उद्घाटनमा नगरप्रमुख अशोक कार्कीले योजना तथा कार्यक्रमहरू प्रस्तुत गर्नुभएको थियो। वडा सदस्य तथा कार्यपालिका सदस्यहरुले विभिन्न बिषयमा उठाएका प्रश्नहरुको उत्तर नगर प्रमुख, उप प्रमुख र अन्य सम्बन्धित शाखाका कर्मचारीले दिनु भएको थियो। उपप्रमुख जिरा राईले नगरको अनुगमन साथै आफ्नो जिम्मेवारी, अधिकार र कर्तव्य बारे जानकारी गराउनु भएको थियो।
अधिवेशनमा वार्ड नं. १ देखी ९ वटै वडाका अध्यक्षहरु, कार्यपालिका सदस्यहरु, वडा सदस्यहरु, कर्मचारी र सरोकारवालाहरुको सहभागिता रहेको थियो। अधिवेसनमा बेलकामा विकास गर्नु पर्ने मुख्य मुख्य खाका तयार पार्नका साथै नगरपालिका भित्र भएगरेका कार्यक्रमहरुको समीक्षा भएको थियो।
