१७,जेठ बेलका / बेलका अपांगता संघको आयोजना र नगरपालिकाको सहयोगमा १५ दिने कपाल काट्ने सीप विकास तालीम बेलका नगरपालिका वडा नम्बर -२ गलफरियामा उद्घाटन भएको छ ।
बेलका नगरपालिका, करुणा फाण्डेसन नेपाल,प्रदेश सरकार सामाजिक विकास मन्त्रालयको सहयोग र राष्ट्रिय अपाङ्ग महासंघ नेपालको प्राबिधिक सहयोगमा संचालित अपांगता रोकथाम तथा पुनःस्थापना कार्यक्रम अन्तर्गत १५ दिने कपाल काट्ने तालिम आजबाट सुरु भएको हो ।
कार्यक्रममा नगर प्रमुख अशोक कार्की प्रमुख आतिथ्यता र उप – प्रमुख जिरा राई अध्यक्षतामा कार्यक्रम उद्घाटन भएको हो ।
उक्त कार्यक्रममा बेलका नगरपालिकाका निमित्त प्रमुख प्रशासकीय अधिकृत रविकिरण आचार्य, वडा अध्यक्ष प्रेम बहादुर दाहाल र टोल विकासका प्रमुख तथा प्रतिनिधिहरु लगायतको उपस्थिति रहेकोे थियो ।
