बेलका २९ बैशाख । किरात समुदायले परम्परागत चाड उभौलि साकेला आज बेलकामा विविध कार्यक्रम सहित हर्षोल्लासका साथ मनाएका छन।
उभौलि साकेला किरात राई, लिम्बु, सुनुवार र याक्खा समुदायले मनाउने प्रमुख चाड हो। यो चाडमा पृथ्वीको उर्वरताको सम्मान गर्दै प्रकृति देवतालाई धन्यवाद दिइन्छ। विशेषगरी बाली रोप्ने सिजन सुरु हुनु अगाडि यो चाड मनाउने परम्परा छ। भक्तजनहरू साकेला नाचमा सहभागी भएर प्रकृति पूजा गर्छन्, जहाँ परम्परागत पोशाकमा सजिएर ढोल र झ्याम्टाको तालमा सामूहिक नृत्य गरिन्छ।
यसै गरी बेलका नगरपालिकाको वडा नं ६ को माङफाङ टोल र वडा नं ८ को डुडखोलाको साकेला थानमा बिधिपुर्बक पुजा गरी एक आपसमा शुभकामना साटासाट गर्दै साकेला नाचेर उभौलि साकेलाको सुरु गरेका हो।
